أهلا وسهلا بك في منتدى العنا ..

انضم إلى المنتدى ، فالأمر سريع وسهل

أهلا وسهلا بك في منتدى العنا ..
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

زجل لبناني . شعر بالعامية اللبنانية

اذهب الى الأسفل

زجل لبناني . شعر بالعامية اللبنانية  Empty رد: زجل لبناني . شعر بالعامية اللبنانية

مُساهمة من طرف chadi السبت يوليو 23, 2022 1:08 am

يا مين ع شحاد يهديني
منشان سرّ الكار يعطيني
لا مال بدّي ولا برزق طمعان
ولا مقصدي ضيعة ولا مديني
بدّي عصا من قرمة العميان
اتعكّز عليها بتكفيني
وادّروش وأبرم على الجيران
وع كل عتبه ينحني جبيني
شحاد بشحد عاطفة وتحنان
من اللي جرح قلبي وناسيني
وبتنهنه بغصّة طفل عطشان
قلبي احترق يا ميمتي اسقيني
شحاد بشحد كحلة الغزلان
من عيونك اللي فيهن قتلتيني
وبشحد لك الغفوي من النعسان
حتى تنامي يا تقبريني
وبطلع على بشري حمى جبران
بقلّو ع سلمى دخلك هديني
بحبش ونبّش بهالجدران
ع شي عبارة حبّ ترضيني
وبرجع وبستنّى شهر نيسان
وبقول بكرا الخير جاييني
بشحدلك من الورد والريحان
ووين ما دعستي تقشعي زيني
وبكتب من الإنجيل والقرآن
حجابات فيها دينك وديني
بلكي بتجي وبتطردي الشيطان
واللي حضى يعقوب يحضيني
قبلي وبعدي ما انظلم انسان
ع قدّ ما بحبّك ظلمتيني
لو كان قلبك من صخر صوّان
حلّو يلين الصخو وتليني
وراضي لا والله مش زعلان
وأعدام بقبل لو حكمتيني
ع شرط إنت تفصّلي الأكفان
وإبقي ع قبري بالسنة مره
حسنه لوج الله زوريني

الشاعر زين شعيب (ابو علي)

=========================================
لماذا كلما تحسست ظهري وجدت به خنجر جديد

chadi

عدد المساهمات : 30
تاريخ التسجيل : 18/07/2022

الرجوع الى أعلى الصفحة اذهب الى الأسفل

زجل لبناني . شعر بالعامية اللبنانية  Empty رد: زجل لبناني . شعر بالعامية اللبنانية

مُساهمة من طرف chadi الخميس يوليو 21, 2022 8:21 pm

يمّي بنومي حلمت
اني ع كتفو نمت
وصاروا الصبايا يحللو
انه المنام الي حلو
بالعكس تفسيرو بكون
ومن كتر ما قلب حنون
ليش نمت
يمّي ندمت
وتاني حلم بس طل
قصدا زعلتو وفل
وصاروا الصبايا يحللو
الي المنام المش حلو
بصح تاني يوم
حيّر زماني النوم
ليش نمت
يمّي ندمت

اياد ابو علي

=========================================
لماذا كلما تحسست ظهري وجدت به خنجر جديد

chadi

عدد المساهمات : 30
تاريخ التسجيل : 18/07/2022

الرجوع الى أعلى الصفحة اذهب الى الأسفل

زجل لبناني . شعر بالعامية اللبنانية  Empty زجل لبناني . شعر بالعامية اللبنانية

مُساهمة من طرف chadi الثلاثاء يوليو 19, 2022 5:06 pm

بصرتك بنومي قال عم توعي
من سريرك المشدود بضلوعي
وعم تزحطي رح توقعي عنو
غمرتك بلهفة تا خدر كوعي
وخاف كوعي تفلتي منو
استنجد بقوة مارد ولوعي
ووعيت ومنامي فشل ظنو
مش غامرك غامر وهم جوعي

خليل روكز

=========================================
لماذا كلما تحسست ظهري وجدت به خنجر جديد

chadi

عدد المساهمات : 30
تاريخ التسجيل : 18/07/2022

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى