ينوح القلب وضلوعي تراجف منه لامن ناح

من طرف ???? الثلاثاء يونيو 19, 2012 8:41 am

ينوح القلب وضلوعي تراجف منه لامن ناح
الا مني ذكرت الي مضى والحزن خـانقـني

وجفى عيني منام الليل ودموع العنى فواح
واحث خـطـاي للفرحه ولين الحزن سابقـني

جزى الله ذكريات ٍ باقيه من وقتنا الي راح
تقول انا صديقت عمرك الي فـات صادقـني

وانا منها وعليها دمعي الي فوق خدي ساح
ابرضيها وبرثي حظ عمـري يـــوم فارقـني

لعـل النفس تدله في زماني والحشى يرتاح
ويصبح همي الي عــن منام الليل عاتقـني

حسبت ان السعد برقه على طول الزمن لواح
واثر برق الشقى بأول شبابي صار شاعقـني

ورعى الله خوة الي طيبهم بين النشاما فاح
ويرحم م،ن وقف سيره وعن سيري مفارقـني

ويـرعـى الله هواجيس ٍ على بدع القصيد صحاح
احقق مابغيته لو خيالـي عـنه يـسـرقـني

ورجيتك ياعظيم وياكريم ٍ بالعطى مـاشـاح
تكافيني زمـان ٍ فـي صـواديفه يصـافقـني

ليا من البخت عانق بي الفرحه رجع ثم طاح
يعود به الزمـان الي على الحرمان سايقني

رآآآآآقت لي ,,