رد: حداك الوقت ياقلبي على درب السهر مجبور

يعطيك العافيه

من طرف ???? الأربعاء يونيو 06, 2012 12:23 am

ألا ياقلب ياللي عايش ابهمك ثمان اشهور
تعيش الهم فالغربة بليلٍ مابه اسراجي

حداك الوقت ياقلبي على درب السهر مجبور
نجمك الليل يوم الليل بالوحدة كما الصاجي

ليا ميّلبك الوقت ورأيت امن الليالي جور
تصبّر واصطبر ياقلب بعد الصبر مفراجي

ترا قو اليقين اليا ملكته صار لك دكتور
يداوي جرح غاور ماتلاقي غيره اعلاجي

أنا الصابر وانا الراضي وانا اللي لابكا معذور
حزين ٍ ماصفا جوه تخالط جوه اعجاجي

وجودي وجد شيخٍ عاش فاخر دنيته مقهور
بعد ما ماتوا اعياله ذرف دمعٍ بهملاجي

رأى من دنيته ذلٍ بعد ماعاش عز اعصور
وعاش الخوف من عقب الشجاعة بين الافواجي

انا اللي اكتم العبرة واداري جرحي المستور
وامازح من يمازحني وجرحي وسط دولاجي

انا اللي يضحك امع اللي ضحك والحزن به جاحور
غدا ضحكي مجَامَل لا حشا ماهوب مبهاجي

ياكيف ابهج ومن خلف الضلوع اشكي ألم وحرور
ياكنّ الجمر هارب عن رماده فالحشا لاجي

ترا ماكل من يضحك سعا في دنيته مسرور
يقوله من حدر درب الشقا من بعد معراجي

يقوله من جناحه من صواديف الزمن مكسور
اسير الحزن كن الحزن طوّقني بالاسياجي

يقوله من حنت حاله همومٍ حنيت الباكور
يقوله من يساهر ليله الدامس بسوهاجي

يقوله من بخص دنيا العنا جرّب وغاص ابحور
مجرب ذاق حر الصيف من دنياه منعاجي

انا المجنون والعاقل انا المطلق وانا المأسور
على امجاهد زمان الهول صبري صار منهاجي

انا اللي بالعزيمة صابرٍ بالكسر انا البابور
ابصبر لين احصّل في بحور الصبر مخراجي

وابجنح في حياتي ما أبي شاهر ولا مشهور
ابجنح عن لجيج الخلق ماسمع منْهم ازعاجي

وابنهج حكمة الصمت الرزين ولاني ابهاذور
حشا مانيب واشي في بيوت النم هراجي

وابرحل في طريقي وارجي من الرب الاقي نور
وادوج اليوم من حزني ولو ماكنت دواجي

نعم بادوج دام الوقت مشهر قدمي الساطور
نعم بادوج وايدوج الذي به حزن لجلاجي

واببعد في دروبي لين الاقي حتمي المقدور
فالارض او فالسما وّلا في بحرٍ بين الامواجي

رآآآآقت لي ,,