كل عام وأنتي بخير

السلام عليكم ورحمة الله وبركاته



صباح/مساء الخير على الجميع



(( كل عام وأنتي بخير ))



أتمنى تعجبكم



أترككم مع القصيده











أضوي القصيد بنور مثل الفناتير

وأشعل بنص الليل حالك ظلامه




لأن همي بدنيتي أرضي الغير

حرفي مصرح للجميع إستلامه




بصبحك حبي وأمسيك بالخير

أحر جمرة أنت وأبرد غمامه




ما أقدر على وصفك تفوق التعابير

يكفي من الوصف العجيب إبتسامه




بسمه تولع في قلوب الغنادير

وأنتي على الحسن البديع الزعامه




كذا كذا هي جات من غير تبرير

ما أحب أسمع يا حبيبي ملامه




جيتك نهار العيد أسوق التباشير

كل عام وأنتي بألف صحه وسلامه




وكل عام وأنتي بخير يا منبع الخير

وكل عام وأنتي حب قلبي وغرامه




وكل عام بكتب فيك أحلى التصاوير

وأنتي الغرير وما بعد جا فطامه




خلك على وضعك كذا دون تغيير

يكفي على شاعِرْك تسمع كلامه




نظرة عيونك يا الغلا دون تزوير

في نظرتك هالكون تعكس نظامه




سدد سهامك كلها دون تقصير

حتى يصير بنص صدري علامه




مكتوب فيها من عهد سالم الزير

أني أحبك يآ بعد كل هامه




أدور أبياتي على الناس تدوير

ويرجع قصيد الشوق شايل حمامه




اذا حظرت وجات الابيات تشفير

خيل المعاني أمسكوا لي لجامه




بصبحك حبي وأمسيك بالخير

يا مالكٍ(ن) قلبي وعندك خطامه




وكل عام وأنتي بخير يا منبع الخير

كل عام وأنتي..حب قلبي وغرامه









وسلامتكم



تحياتي للجميع




شف دنيتي ياصاحبي عقب فرقـاه
مثل الظلام اللي حصل بالمدينـه


وبارسمه في لوحة الشعـر وانعـاه
وبادفنه بيـن الضلـوع الحنينـه..


بوسط الحشا في داخل الصدر مثواه
إمـا يسـار القلـب وإلا يميـنـه







تقبلوهآ مني فهي بسسيطه
وجآءت مني مع زحممة آفكآري



ودمتم بـ الف خير