رد: وجـدي وجـود اللـي توفى صحيبه

من طرف الشمري الإثنين يونيو 11, 2012 5:59 am

مشكوووور اخوووي

من طرف ???? الإثنين يونيو 11, 2012 3:39 am

وجـدي وجـود اللـي توفى صحيبه
وجدي وجـود اللي حياته مصايب

وجدي وجـود اللـي طعونه عطيبه
وجدي وجود اللي تركته الركايب

وجـدي وجـود العود شالح لذيبه
وجـدي وجـوده فاقدا"ذيب شايب

وجـدي وجود الزير وفقده كليبه
وجدي وجوده طعن أخـوه بحرايـب

وجدي وجـود اللـي فقد كل صيبه
وجــدي وجــوده همـلوه بخرايب

فرقا الصديق الصادق اكبر مصيبه
فرقـاه والله من كـبـار المصـايـب

وش ينفـع الـرجـال لاقـفى قريبه
لاصـار فـي عينـه جميـع القرايب

للصاحب المخلـص ادوس الصعيبـه
واصبر على الزلات لو هي صعايب

آفــز لامـــن ون وآقــف واجيبه
وارضيـه لوكان الرضا بالطلايـب

وارخص لـه الغالي واطفي لهيبـه
وآقـف سنـد لاهـل دمعه سكـايـب

واليـا اشتكى من همه انا طبيبه
واذكــره بـالـرب وقـت النشايب

وادمـح لـه الزله ولو هي رهيبه
وارمي الخطايا مع براد الهبايب

الا ليا من جاب ذيــك العصيـبـه
الطعنه اللي في القفا كالحرايب

الطعنه اللي في القفى من حبيبه
تهون لاجـت مـن عشيـق وحبايـب

الموت لاجت من صحيـب لصحيبـه
الموت لاجاتك من أغلى الصحايـب

دمحـت لـه زلات وجـاب المصيـبـه
وبـاع الصداقه بالغدر والشوايب

شف الرجـل يطعـن بخنجـر حريبه
عـدوه ارحـم مـن خيـانة صحايب

والحـيـن بـقـفـي والله الله حسيبه
بنـسـاه لوفرقاه جابت عـطـايب

لامـن غدرنـي ياعلي ويش ابيبه
ببعد ولو في البعـد مر ونشايب

والطعنه اللي في القفى من حبيبه
تهون لاجـــت مــن عشيق وحبايب

الموت لاجت من صحيـب لصحيبه
الموت لاجاتك من أغلى الصحايب

ممآ رآآآآق لي ,,