رد: قصة بنت تدمي القلوب وقصيدة لي انا ..!

الله خلق هالناس والله عطاها
ناسٍ بعقل وناس في عقلها ميل

الله الله ماشاء الله عليك ياجبرني طلعت شاعر انا كنت شاك صح لسااانك ملايييين ولاهنت

تقبل مروري

من طرف ???? السبت فبراير 11, 2012 4:54 pm

علمت بقصة بنت كامله والكامل الله سبحانه من جيران لأهلي بالرياض تزوجت بالغش من اقرابها
غشوها برجل قالوا لها إنه كامل الصفات
وكانت شديدة الحياء فلم تحاول الإحتكاك بخطيبها ومعرفته جيداً قبل الزواج
ولاكن بعد الزواج اتضح أنه متخلف خلقة لايملك من أمر نفسه شيء ويستحيل العيش معه
بنت مثقفه وجميله وراجحة العقل كيف تعيش مع واحد كذا ؟؟
لاحول ولاقوة إلا بالله
قصة تدمي القلوب والله وتفاصيلها والله تهد عزيمة الرجل مو عزيمة بنت
وكان معروف هذا المسكين بأسم الخبل بين أهله وجماعته وسموا البنت زوجة الخبل
فعاشت بين أحضان الذلة راجيةً تعديل وضعها ولاكن الشق أكبر من الرقعه
وقد أنتهت قصة البنت بطلاق وهي في مقتبل عمرها
فاسأل الله لها أن يعيد لها عمر جديد يكتبه لها مع من يستحق تلك الأميرة الطاهرة المظلمة
وحسبي الله على من غشها واقنعها بالدجل في ذلك المسكين اللذي لا عليه لوم فيما حصل
فقلت هذه الابيات مما أختلج في قلبي من إحساس بمعاناة تلك الوردة الصغيرة

طبعآ ترا انا شاعر بسسس مابي احد يعرف بسسس قلت اللحين اقول لهم نظاره

ضاقت علي ارض الرياض وسماها
من قصةٍ سمعتها بالتفاصيل

لا واعنا قلب البنيه عناها
من دمعة المقهور يوم التباهيل

قصة ألم وجروح ضايع دواها
تحميل معاناه .. وقهر كنها ليل

راحت ضحية غش عليّ فداها
ضحية الأقراب والقال والقيل

جابوا لها زوج خطبها وجاها
وقالوا لها أنه شيخ .. سيد الرجاجيل

وكلٍ مدحه بكذبةٍ ماخشاها
وش غاية الكذاب وشهي التعاليل

ياويلهم من ذنب ! حطم خفاها
غشوها في زوج طلع شين وخبيل

طلع هبيل ولاهو بمستواها
مسكين خلقه .. ماله أياة تعديل

الله خلق هالناس والله عطاها
ناسٍ بعقل وناس في عقلها ميل

غشوها فيه وصار عايش معاها
ماتملك الحيلة ولابيدّها حيل

حسبي على اللي غشها وابتلاها
خلى حياة البنت تصبح بهاذيل

كم حاولت تصبر .. وتخفي بكاها
لاكِن كَثرة صبرها ! طيّح الشيل

وصارت بوسط الريح وسط المتاها
بسفينة الاحزان والذل والويل

سارت سفينتها لموجٍ عصاها
تلطم بها الامواج .. وتزود الميل

لين اغرقت في بحرها اللي غماها
ومعها أنتهت قصة ألم كنها ليل

وســــلامتكم ,,