ااهلا وسهلا بك في منتدى قروب العنا


 
http://up.arab-http://up.arab-  الرئيسيةالرئيسية  اليوميةاليومية  س .و .جس .و .ج  التسجيلالتسجيل  دخولدخول  

شاطر | 
 

 أم تبكي عن حال عيالها العاقين لاتفوتوها ..؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
????
زائر



مُساهمةموضوع: أم تبكي عن حال عيالها العاقين لاتفوتوها ..؟   السبت ديسمبر 24, 2011 1:30 pm

هذي القصيده تبكي كل شخص له احساس ومشاعر قصه حقيقه وليست خيال
كتبتها ام من شد القهر عن حال اولادها انتظر ردوودكم عن موقف الام مع اولادها اترككم مع القصيده






تسمعو للسالـــــفه من عظمــها جف البـحر
من نـفس هذا الوقت ماهي من حكايات الرواة

جتني عجوزن تـــــشتكي وتقول ياجديع القهر
حطم فؤادي واستباحه ضايق واسرف في بـــــلاه

قلت السبب قالت سبب ماهوسبب موت حمر
قلت اهرجي قالت شسولف والعمر مابه حـــلاه

هديت روع المسلــــــــــــــــــــمه اللي بلتني بالقـشر
هديتها وطمنتها وذكرت ربي في سمــــــــــــــــــــــــــــاه

ومن عقب ماجفت دموعن كنها مجرى نهر
وسكت نحيبن روع ظلوعي ولا ادري وش وراه

قالت بسولف واكتب اللي بانطقه شعر ونثر
عله يفيد ويستفيدن من سمعه ومن قراه

الله لامنه أمر امرن لزوم انه يمر
ياخذ ويعطي مانحاسب من خذاه ومن عطاه

الاوله اخذت شايب من جماعتنا جبر
اجهل حتى عن شبابه اجهله مع من قضاه

الحلو عشته معه مر والمر عشته معه امر
غصبن علي انجبت منه اثنين ثم الله خذاه

الله وهبني بنت تشبه للقمر نصف الشهر
والله رزقني في ولد كامل مكمل في حلاه

البنت انا ربيتها لين وصلت عشر وعشر
اما الولد يسر ثمان وادعيله ان الله يقاه

وش لك بطول السالفه مليت ودك اختصر
قلت العفو قولي كلامك لين ياصل منتهاه

قالت وهي تنطق حروفن كنها تاخذ امر
من بعضها وفي بعضها يوقف على حد الشفاه

مثل ماقلت البنت في عشرين في احلى عمر
فتاة محلاها ومجملها ومغلاها فتاه

الوقت يمشي والزمن يطوي سنسنس وانتظر
ساعة البسها ثياب العرس واعطيها الوصاه

الله حققلي مناي الحمدلله والشكر
جاها عريسن مقتدر زوجتها وراحت معاه

ومن عقب ماقفت لاكلام ولاسلام ولاخبر
زرعت زرعي في يديني بس غيري من جناه

حملتها رضعتها دللتهامنذ الصغر
المر اذوقه لاجلها من شان تهنا بالحلاه

والحين دوري وانتهى مالي احترام ولاقدر
عجوز انا في رايها حرام اكمل هالحياه

ان جيتها متعنيه سمعت هرجن مايسر
كني مسوتلي جريمه حيرت حكم القضاه

وليا بغت نفسي لزوم صدت بليا أي عذر
فابرد ليالي المربعانيه تلحفني عباه

اما الولد اه يالولد كبر ياليته ماكبر
نسف جميع اللي بنيته مابديته هو نهاه

اخذ جميع اللي امتلك خلاني في ذل الفقر
ياليت منهو ينشده فامه يسوي هالسواه

قضى حياته في حياته من سفر الاسفر
من ديار الحسد الى ديار الفسد لديار الطغاه

عزي لمن مثلي نما عايش ولكن مايسر
وش فايدة تعبي وجهدي واجتهادي في رضاه

سكت مدري وش اقول ابي الكلام ولاظهر
اصلا كلامي مايفيد لاطيبه ولارداه

والحين عندي كلمتين باقولهن بالمختصر
ابائكم اولى بكم ياللي تحبون النجاة

ان رضو الله رضىو في حقهم ربي امر
فكتاب خالقنا العزيز تنبيه تحذير ووصاة

نطيعهم في كل شي الا الظلاله والكفر
وماهو تطيب او فضل واجب ويلزمنا اداه

واعلم بما تفعل تدان والشي بالشي ينذكر
لابد ماينشى بن ادم في مثل ماتصنع يداه

ياسامعين صلو على شفيعنا يوم الحشر
عليه مني افضل التسليم وازكاها صلاة

.. اوصيكم بر والديكم نصيحه من قلب ورده جرحها الزمن ,,

الله يجبر بخاطرها يارب ياكريم ,,
الرجوع الى أعلى الصفحة اذهب الى الأسفل
ŁicJł ¸̲3̲s̲н̲o̲8̲¸¬
Moderator


عدد المساهمات : 410
تاريخ التسجيل : 20/10/2011

مُساهمةموضوع: رد: أم تبكي عن حال عيالها العاقين لاتفوتوها ..؟   الأحد ديسمبر 25, 2011 8:20 am

:ttee: صح لسانك قصيده روعه وسلمت الايادي
الرجوع الى أعلى الصفحة اذهب الى الأسفل
????
زائر



مُساهمةموضوع: رد: أم تبكي عن حال عيالها العاقين لاتفوتوها ..؟   الأحد ديسمبر 25, 2011 8:45 am

صح لسانك قصيده روعه وسلمت الايادي


عشوووق .. صح بدنك لاهنت فديت روحك تواجدك معي ابهج صدري اشكرك ياخوووي ,,
الرجوع الى أعلى الصفحة اذهب الى الأسفل
 
أم تبكي عن حال عيالها العاقين لاتفوتوها ..؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتــدى ~LicJI ~ :: LicJI »نبﮯض المشـﮯاعر, بوح الخواطـﮯر-
انتقل الى: